நாமக்கல் மாவட்டத்தில் தட்டச்சு தொழிலாளி தூக்குபோட்டு தற்கொலை செய்து கொண்ட சம்பவம் அவரது குடும்பத்தினர்களிடையே பெரும் சோகத்தை ஏற்படுத்தியுள்ளது.
நாமக்கல் மாவட்டம் பெரியப்பட்டியை சேர்ந்தவர் பாலகிருஷ்ணன். தட்டச்சு தொழிலாளியான இவர் குடும்பத்துடன் வசித்து வந்துள்ளார். இந்நிலையில் பாலகிருஷ்ணனுக்கு குடி பழக்கம் இருந்தது. இவர் அடிக்கடி அப்பகுதியில் உள்ள பெருமாள் கோவில் கரடு பகுதிக்கு சென்று மது அருந்துவது வழக்கம். இதனையடுத்து நேற்று முன்தினம் பாலகிருஷ்ணன் வெளியே சென்றுவிட்டு வருவதாக கூறி சென்றவர் வெகு நேரமாகியும் வீடு திரும்பவில்லை.
இதனால் அவரது மனைவி மற்றும் மகன் தேடியுள்ளனர். இதனை தொடர்ந்து பெருமாள் கோவில் கரடு பகுதியில் உள்ள வேப்ப மரத்தில் பாலகிருஷ்ணன் தூக்கில் தொங்கியபடி இருப்பதாக அவரது குடும்பத்தினருக்கு தகவல் தெரியவந்துள்ளது. இத்தகவலை அறிந்து அதிர்ச்சியடைந்த குடும்பத்தினர் உடனடியாக அங்கு சென்றுள்ளனர்.
மேலும் பாலகிருஷ்ணன் மகன் தனசேகர் (21) நாமக்கல் காவல்நிலையத்தில் புகார் அளித்துள்ளார். இச்சம்பவத்தை அறிந்த காவல்துறையினர் உடனடியாக சென்று பாலகிருஷ்ணன் உடலை மீட்டு பிரேத பரிசோதனைக்கு நாமக்கல் அரசு மருத்துவமனைக்கு அனுப்பி வைத்துள்ளனர். இந்நிலையில் தற்கொலைக்கான காரணம் குறித்து போலீசார் விசாரணை மேற்கொண்டு வருகின்றனர்.