ஒரே நாடு ஒரே தேர்தல் தொடர்பான பிரதமர் மோடியின் ஆலோசனை கூட்டத்தில் அதிமுக_வுக்கு அனுமதி மறுக்கப்பட்டுள்ளதாக தகவல் வெளியாகியுள்ளது.
பாஜக கடந்த முறை ஆட்சி பொறுப்புக்கு வந்தது முதல் ஒரே நாடு , ஒரே மொழி , ஒரே தேர்தல்என்கின்ற வகையில் நாடாளுமன்றம், மாநில சட்டமன்றம் என ஒரே நேரத்தில் தேர்தல் நடத்தும் நிலையை உருவாக்க வேண்டும் என்பதை குறிக்கோளாக கொண்டுள்ளது. மாநில சட்டப்பேரவை , மக்களவை என அடிக்கடி தேர்தலை நடத்துவதால் ஏற்படும் பண இழப்பு , அதற்கான நேரம் வீணாவது போன்ற காரணங்களை முன்வைத்து ஒரே தேர்தலை நியாயப்படுத்தி வருகின்றது மத்திய பாஜக அரசு.
இந்நிலையில் ஒரே தேர்தல் குறித்து விவாதிக்க பிரதமர் மோடி தலைமையில் இன்று டெல்லியில் உள்ள நாடாளுமன்ற வளாகத்தில் பிற்பகல் 3 மணிக்கு அனைத்துக்கட்சி தலைவர்கள் கூட்டம் நடத்த ஏற்பாடு செய்யபட்டு , அனைத்துக்கட்சிகளின் தலைவர்களுக்கும் நாடாளுமன்ற விவகார துறை அமைச்சர் பிரகலாத் ஜோஷி அழைப்பு விடுத்துள்ளார்.இதில் காங்கிரஸ் , திமுக உள்ளிட்ட காட்சிகள் புறக்கணித்த நிலையில் அதிமுக சார்பில் பங்கேற்க சென்ற அமைச்சருக்கு அனுமதி மறுக்கப்பட்டுள்ளது. அதிமுக ஒருங்கிணைப்பாளர் மற்றும் இணை ஒருங்கிணைப்பாளர் பங்கேற்க செல்லவில்லை. அதிமுக தரப்பில் சட்டத்துறை அமைச்சர் CV சண்முகம் அனுப்பப்பட்டு இருந்தார்.இதையடுத்து CV சண்முகத்திற்கு அனுமதி மறுக்கப்பட்ட்தாக சொல்லப்படுகின்றது.