தனது விலை உயர்ந்த நாய் காணாமல் போயுள்ளதாகவும், அதனைக் கண்டுபிடித்து தருபவர்களுக்கு ஒரு லட்சம் ரொக்கப்பரிசு வழங்கப்படும் எனவும் நபர் ஒருவர் கூறியிருந்த நிலையில், அவரின் நாய் மீண்டும் கிடைத்துள்ளது.
கர்நாடக மாநிலம் பெங்களூருவைச் சேர்ந்தவர் சதீஷ். இவர் தனது வீட்டில் வளர்த்துவந்த நாயை காணவில்லை என்று கூறி ஹனுமந்தநகர் காவல் நிலையத்தில் புகார் அளித்திருந்தார். அவர் கொடுத்திருந்த புகாரில், தனது நாய் அலாஸ்கன் மாலமுட்டே (alaskan malamute) வகையைச் சேர்ந்தது என்றும், அதன் மதிப்பு ரூ. 8 கோடி எனவும் குறிப்பிட்டிருந்தார். மேலும், தனது நாயை மீண்டும் கண்டுபிடித்து தருபவர்களுக்கு ஒரு லட்சம் ரூபாய் ரொக்கப்பரிசு வழங்கப்படும் எனவும் தெரிவித்திருந்தார்.
இந்நிலையில், காணாமல் போன நாயை காவல் துறையினர் தேடி கண்டுபிடித்து சதீஷிடம் ஒப்படைத்துள்ளனர். சதீஷின் நண்பரான ஆட்டோ ஓட்டுநர் ஒருவர்தான் நாயை திருடியதாக காவல்துறை தரப்பில் சந்தேகம் எழுந்துள்ளது. அவரை தற்போது காவல் துறையினர் தேடிவருகின்றனர்.