சிஏஏ சட்டத்தை ஆதரித்து பேனா வழங்கியதால் பெரும் பரபரப்பு!

சென்னை ரிச்சி தெருவில் அற்புதா மொபைல்ஸ் செல்போன் கடை நடத்தி வருபவர், தினேஷ். இவர் தனது கடையில் செல்போன் வாங்க வரும் வாடிக்கையாளர்களுக்கு குடியுரிமை திருத்தச் சட்டத்தை ஆதரிப்பதாக எழுதிய பேனாவை பரிசாக அளித்து வந்துள்ளார்.

இந்நிலையில், தினேஷ் கடைக்கு எதிரே செல்போன் கடை நடத்தி வரும் வியாபாரிகள் சிலர் பரிசாக இது போன்ற பொருளை அளித்தால் வியாபாரம் பாதிக்கும் எனக் கூறி தினேஷிடம் வாக்குவாதத்தில் ஈடுபட்டுள்ளனர். தினேஷின் சகோதரர் ஒருவர் இந்து முன்னணியில் பிரமுகராக இருக்கிறார். இதனால், இந்து முன்னணி அமைப்பைச் சேர்ந்த 50க்கும் மேற்பட்டோர் சம்பவ இடத்திற்கு சென்று குடியுரிமை திருத்தச் சட்டத்தை ஆதரித்து துண்டு பிரசுரங்களை நுகர்வோர்களிடம் வழங்கியதால் சிறு பிரச்னை பூதாகரமாக வெடித்தது.