OLX மூலம் ஒரு கிராமமே ரூபாய் 100 கோடிக்கு மேல் மோசடி செய்த சம்பவம் பெரும் அதிர்ச்சியை ஏற்படுத்தியுள்ளது.
OLX நிறுவனம் மூலம் பொருள்களை வாங்கவும், விற்கவும் செய்திருப்போம். சமீபத்தில் லட்சக்கணக்கான நபர்களிடம் சுமார் 100 கோடிக்கும் மேல் மர்ம கும்பல் ஒன்று மோசடி செய்துள்ளது. இதில் ஏமாந்தோர் பெரும்பாலும் தமிழகத்தை சேர்ந்தவர்கள். ஆகையால் சென்னை மத்திய குற்றப்பிரிவு அலுவலகத்தில் புகார்கள் தொடர்ந்து வந்த வண்ணமிருந்தன.
இதையடுத்து அதிகாரிகள் வழக்குப்பதிவு செய்து விசாரணை மேற்கொள்கையில், வடமாநிலத்தை சேர்ந்த இரண்டு நபர்களை கைது செய்து விசாரணை மேற்கொண்டனர். பின் அவர்களை சென்னை அழைத்து வந்து விசாரிக்கையில்,
ராஜஸ்தான் மாநிலம் பாரத்பூர் என்ற கிராமம் முழுவதும் உள்ள மக்கள் அனைவரும் இந்த மோசடியில் ஈடுபட்டது தெரியவந்தது. இது பெரிய அதிர்ச்சியை ஏற்படுத்தியுள்ளது. தற்போது இது குறித்த விசாரணையை அதிகாரிகள் துரிதப்படுத்தி உள்ளனர்.