பொள்ளாச்சி அருகே வேன் கிளீனர் மின்சாரம் தாக்கி சம்பவ இடத்திலேயே உயிரிழந்துள்ளார்.
பொள்ளாச்சி அருகே உள்ள வாழைக்கொம்பு நாகூரை சேர்ந்தவர் குழந்தைவேல் (வயது47) . இவர் ஒரு தனியார் பள்ளியில் வேன் கிளீனராக வேலை செய்து வருகிறார். இவர் பள்ளிக்கு அருகில் உள்ள தோட்டத்தில் நடந்து கொண்டிருந்தபோது மின்கம்பி அறுந்து கிடந்துள்ளது. அதை அவர் கவனிக்காமல் மிதித்ததால் மின்சாரம் தாக்கி சம்பவ இடத்திலேயே உயிரிழந்துள்ளார்.
இதனையடுத்து, சம்பவ இடத்திற்கு போலீசார் விரைந்து வந்து அவரின் உடலை மீட்டு பிரேத பரிசோதனைக்கு அனுப்பி வைத்தனர். மேலும், இந்த சம்பவம் குறித்து போலீசார் வழக்கு பதிவு செய்து விசாரணை நடத்தி வருகின்றனர்.