அமெரிக்க அதிபர் தேர்தலில் தேர்தல் முடிவை ஏற்காத டிரம்ப் அடுத்தடுத்து என்ன செய்ய போகிறார் ? என தகவல் வெளியாகியுள்ளது.
உலகமே உற்று நோக்கி இருந்த அமெரிக்க ஜனாதிபதி தேர்தலில் ஜனநாயக கட்சி வேட்பாளர் ஜோ பைடன் வெற்றி பெற்றுள்ளார். இதனால் அமெரிக்காவின் புதிய அதிபராக ஜோ பைடன் தேர்வு செய்யபட இருக்கிறார். தோல்வி அடைந்த தோல்வியை ஒத்துக் கொள்ளாமல் சட்டரீதியாக தேர்தல் முடிவுகளை சந்திக்க இருப்பதாக தெரிவித்துள்ளார். மேலும் தேர்தலில் பல்வேறு முறைகேடுகள் என்று அடுக்கடுக்கான குற்றச்சாட்டை முன்வைத்தார். குறிப்பாக தேர்தல் முடிவுகளில் போதுமான வாக்கு எண்ணிக்கை முடிவுகள் திருட்டுத்தனமாக, திருடப்பட்டு விட்டதாகவும் கூறி பல்வேறு மாநிலங்களில் மாகாணங்களில் வழக்கு தொடர்ந்துள்ளார்.
பென்சில்வேனியா மாகாணத்தில் தேர்தல் கண்காணிப்பாளர்களை 6 அடி இடைவெளியில் நிற்க வைக்க வேண்டும் என்ற நீதிமன்ற உத்தரவை மீறி 20 அடி தொலைவில் நிற்க வைக்கப்பட்டதாக வழக்கு தொடரப்பட்டுள்ளது. அதேபோல் தேர்தல் முடிந்த பிறகு பதிவாகிய தபால் வாக்குகளை ஏற்பது தொடர்பாகவும் டிரம்ப் தரப்பில் முறையிட செய்யப்பட்டுள்ளது.
விஸ்கான்சின் மாகாணத்தில் மறு வாக்கு எண்ணிக்கை நடத்த வேண்டும், நோவாடாவில் மாநிலத்தை விட்டு வெளியே சென்ற யாரையும் வாக்களிக்க அனுமதிக்க கூடாது என்றும் டிரம்ப் தரப்பில் சட்டரீதியாக மனு தாக்கல் செய்யப்பட்டுள்ளது. தேர்தல் முடிவுகளை ஏற்காமல் எதிர்க்கும் பட்சத்தில் டிரம்ப் தரப்பு முதல் முதலில் மாகாணங்களிலுள்ள நீதிமன்றங்களை நாடவேண்டும். அதன் பிறகு மேல் முறையீடு செய்வதற்காக உச்ச நீதிமன்றத்தை அணுக வேண்டும். இருந்தாலும் தோல்வியை ஏற்கும் படி அவருக்கு நெருக்கமானவர்கள், அருகில் இருப்பவர்கள் வலியுறுத்தி வருவது குறிப்பிடத்தக்கது.