தங்கம் விலை இன்று ரூ. 584 அதிகரித்து ஒரு சவரன் ரூ.36,104 ரூபாயாக நிர்ணயம் செய்யப்பட்டுள்ளது.
கொரோனா வைரஸ் அச்சத்தால் ஊரடங்கு பிறப்பிக்கப்பட்டு அனைத்து கடைகளும் மூடப்பட்டுள்ளன. இந்த நிலையிலும் தங்க விலை அதிரடியாக உயர்ந்து புதிய உச்சத்தை அடைந்துள்ளது. இந்த ஆண்டு தொடக்கத்தில் இருந்து இறக்குமதி குறைவினால் தங்க விலை அதிகரித்து வந்தது.
இந்த நிலையில் ஆபரண தங்கத்தின் விலை புதிய உச்சத்தை எட்டி ஒரு சவரன் ஆபரண தங்கத்தின் விலை ரூ. 36,016 ஆக நிர்ணயம் செய்யப்பட்டுள்ளது. ஒரு கிராம் ஆபரண தங்கத்தின் விலை ரூ. 4,502ஆக நிர்ணயம் செய்யப்பட்டுள்ளது.
நேற்று ரூ.35,520 ஆக இருந்த தங்கம் விலை இன்று ரூ. 584 அதிகரித்து ரூ.36,104 ரூபாயாக அதிகரித்துள்ளது. வெள்ளி விலையும் சற்று அதிகரித்துள்ளது. நேற்று 41,700ஆக இருந்த ஒரு கிலோ வெள்ளி விலை இன்று ரூ.300 அதிகரித்து ரூ.42,600ஆக உயர்ந்துள்ளது . அடுத்த மாதம் ஒரு கிராம் ரூ. 5,000-ஐ நெருங்கும் என தங்க நகை வியாபாரிகள் சங்க தலைவர் சலானி தகவல் அளித்துள்ளார்.