நாமக்கல் மாவட்டத்தில் பட்டா கத்தியுடன் தனி ஒருவர் ஆர்பாட்டத்தில் ஈடுபட்ட சம்பவம் பெரும் பரபரப்பை ஏற்படுத்தியுள்ளது.
நாமக்கல் மாவட்டத்தில் உள்ள தூசூரில் திருமுருகன்(41) என்பவர் வசித்து வந்துள்ளார். சமூக ஆர்வலரான இவர் கடந்த 2 நாட்களுக்கு முன்பு அப்பகுதியில் உள்ள சுந்தரலிங்கனார் சிலையின் முன்பு 2 பட்டா கத்தியுடன் வந்துள்ளார். இதனையடுத்து அவர் நெல்லையில் பாளையங்கோட்டை சிறையில் சட்ட கல்லூரி மாணவர் முத்து மனோ மர்மமான முறையில் கொலை செய்யப்பட்டதற்கு நீதி வேண்டும் என பல கோஷங்களை எழுப்பியுள்ளார்.
இச்சம்பவம் அப்பகுதியில் பெரும் பரபரப்பை ஏற்படுத்தி உள்ளது. இதனை அங்கிருந்தவர்கள் செல்போனில் வீடியோவாக பதிவு செய்து இணையத்தில் .வெளியிட்டுள்ளனர். இதனை தொடர்ந்து இச்சம்பவம் குறித்து தகவலறிந்த நாமக்கல் போலீசார் சம்பவ இடத்திற்கு வந்து திருமுருகனை கைது செய்துள்ளனர். மேலும் வழக்குப்பதிவு செய்த போலீசார் அவரிடம் இருந்த 2 கத்தியையும் பறிமுதல் செய்துள்ளனர்.