தேனி மாவட்டத்தில் மனைவியை பிரிந்த சோகத்தில் விஷம் குடித்த முதியவர் சிகிச்சை பலனின்றி உயிரிழந்த சம்பவம் சோகத்தை ஏற்படுத்தியுள்ளது.
தேனி மாவட்டம் மாரியம்மன் கோவில்பட்டியில் சின்னாத்தேவர்(80) என்பவர் வசித்து வந்துள்ளார். இவரது மனைவி ஒச்சம்மாள். இந்நிலையில் இவர்களுக்கு இடையில் குடும்ப தகராறு காரணமாக சில ஆண்டுகளாக இருவரும் பேசிக்கொள்ளாமலே இருந்துள்ளனர். இதனையடுத்து சின்னாத்தேவர் மனமுடைந்து காணப்பட்டதாக கூறப்படுகின்றது. இதனைத்தொடர்ந்து முதியவர் கடந்த மதம் 22ஆம் தேதி வீட்டில் யாரும் இல்லாத சமயத்தில் விஷம் குடித்துள்ளார்.
இந்நிலையில் மயக்கமடைந்த சின்னாத்தேவரை அவரது குடும்பத்தினர் மீட்டு தேனி மருத்துவமனையில் சிகிச்சைக்காக அனுமதித்துள்ளனர். அங்கு அவருக்கு தீவிர சிகிச்சை அளிக்கப்பட்டு வந்த நிலையில் நேற்று முன்தினம் சிகிச்சை பலனின்றி உயிரிழந்துள்ளார். மேலும் இச்சம்பம் குறித்து சின்னாத்தேவர் மகன் ஜெயபாண்டி அளித்த புகாரின் அடிப்படையில் பழனிசெட்டிபட்டி காவல்துறையினர் விசாரணை மேற்கொண்டு வருகின்றனர்.