“S -400 ஏவுகணை வாங்கும் இந்தியா” எச்சரிக்கும் அமெரிக்கா..!!

ரஷ்யாவிடம் இருந்து S -400 ஏவுகணையை இந்தியா வாங்குவதால் அமெரிக்கா எச்சரிக்கை விடுத்துள்ளது.

இந்திய விமான படை ரஷ்யாவிடமிருந்து, 400 கி.மீட்டர் தூரத்தில் வரும் போர் விமானங்கள், ஏவுகணைகள் மற்றும் ஆளில்லாத குட்டி விமானங்களை வழியில் மறித்து தாக்கி அழிக்கும் திறன் கொண்ட எஸ்.400 ரக அதிநவீன வான்வழி பாதுகாப்பு ஏவுகணைகளை வாங்க உள்ளது. சீனா மற்றும் பாகிஸ்தானின் அச்சுறுத்தல்களை எதிர்கொள்வதற்கு இந்தியா ரஷ்யாவிடமிருந்து அதிநவீன S -400 ரக ஏவுகணைகளை வாங்க கடந்த சில ஆண்டுகளாகவே பேச்சுவார்த்தை நடத்தி வந்தது. இது தொடர்பான பேச்சுவார்த்தை இறுதி கட்டத்தை எட்டியதும் கடந்த ஆண்டு அக்டோபரில் இருதரப்புக்கும் இடையே கையெழுத்து ஆனது.

எந்த ஒரு நாடும் ரஷ்யாவிடம் இருந்து பாதுகாப்பு உபகரணங்களை வாங்க கூடாது. அப்படி வாங்கினால் அந்நாட்டின் மீது பொருளாதார தடை விதிக்கப்படும் என அமெரிக்கா மிரட்டியது. ஆனால் மிரட்டலையும் மீறி ரூ. 40,000 கோடி மதிப்பில் ரஷியாவிடம் இருந்து ஏவுகணை வாங்கும் ஒப்பந்தம் தொடர்பாக ரஷ்யா – இந்தியா இடையே கையெழுத்தானது. இப்போது ரஷியாவிடம் இருந்து S -400 ரக ஏவுகணைகளை வாங்குவதில் இந்தியா உறுதியாக முன்நோக்கி நகர்ந்தால் இந்தியா மற்றும் அமெரிக்கா பாதுகாப்பு ஒப்பந்தத்தில் முக்கியமான தாக்கத்தை ஏற்படுத்தும் என்று அமெரிக்காவின் டிரம்ப் நிர்வாகம் கடும் எச்சரிக்கை விடுத்துள்ளது.

Categories