தீக்காயமடைந்த பெண் உயிரிழந்த சம்பவம் சோகத்தை ஏற்படுத்தியது.
தூத்துக்குடி மாவட்டத்திலுள்ள கோவில்பட்டி காந்தி நகர் பகுதியில் சீனிவாசன் என்பவர் வசித்து வருகிறார். இவருக்கு சங்கரேஸ்வரி என்ற மனைவி இருந்துள்ளார். கடந்த மாதம் 31-ஆம் தேதி வீட்டில் மண்ணெண்ணெய் அடுப்பில் ஏர் அடித்து கொண்டிருந்தார். அப்போது அழுத்தம் அதிகமாகி ஏற்பட்ட தீப்பொறி சங்கரேஸ்வரி மீது பட்டு தீக்காயம் ஏற்பட்டது. இதில் காயமடைந்த சங்கரேஸ்வரியை கோவில்பட்டி அரசு மருத்துவமனையில் சிகிச்சைக்காக அனுமதித்துள்ளனர்.
இதனையடுத்து மேல் சிகிச்சைக்காக சங்கரேஸ்வரி நெல்லை அரசு மருத்துவகல்லூரி மருத்துவமனையில் சிகிச்சைக்காக அனுமதிக்கப்பட்டார். அங்கு அளிக்கப்பட்ட சிகிச்சை பலனின்றி சங்கரேஸ்வரி பரிதாபமாக உயிரிழந்தார். மேலும் இது குறித்து வழக்கு பதிவு செய்த மேற்கு போலீஸ் காவல்துறையினர் விசாரணை நடத்தி வருகின்றனர்.