புதுக்கோட்டை மாவட்டத்தில் பூட்டிய வீட்டில் மர்ம நபர்கள் நகை திருடிச்சென்ற சம்பவம் பரபரப்பை ஏற்படுத்தியுள்ளது.
புதுக்கோட்டை மாவட்டத்திலுள்ள அடப்பன்வயல் கிராமத்தில் முகமது ரபீக் என்பவர் குடும்பத்துடன் வசித்து வருகிறார். இவர் அவரது மனைவியுடன் சொந்த வேலை காரணமாக வீட்டை பூட்டி விட்டு வெளியில் சென்றுள்ளார். இந்நிலையில் வீட்டிற்கு திரும்பி வந்து பார்த்த போது வீட்டின் பூட்டு உடைக்கப்பட்டிருந்தது.
இதனை பார்த்து அதிர்ச்சி அடைந்த அவர்கள் வீட்டினுள் சென்று பார்த்த போது மர்ம நபர்கள் வீட்டுனுள் புகுந்து நகைகளை திருடிச்சென்றது தெரிய வந்தது. இதுக்குறித்து அவர்கள் காவல் நிலையத்தில் புகார் கொடுத்துள்ளனர். அந்த புகாரின் பேரில் காவல் துறையினர் வழக்குப்பதிவு செய்து நகை திருடிச்சென்ற மர்ம நபர்களை வலை வீசி தேடி வருகின்றனர்.