நகை மற்றும் பணத்தை கொள்ளையடித்து சென்ற மர்ம நபர்களை போலீசார் வலைவீசி தேடி வருகின்றனர்.
திருவண்ணாமலை மாவட்டத்தில் உள்ள கோவில்மாதிமங்கலம் பகுதியில் சத்யநாராயணன் என்பவர் வசித்து வருகிறார். இவருக்கு வளர்மதி என்ற மனைவி உள்ளார். இவர்கள் இருவரும் வீட்டில் இல்லாத போது, சத்யநாராயணன் வீட்டிற்குள் புகுந்த மர்ம நபர்கள் அவர்கள் வீட்டு கதவை உடைத்து, பீரோவில் வைக்கப்பட்டிருந்த ரூபாய் 20 ஆயிரம் ரொக்கம் மற்றும் 5 பவுன் தங்க நகைகளை திருடிவிட்டு தப்பி ஓடினர்.
இதனையடுத்து வீட்டிற்கு திரும்பி வந்து பார்த்த இருவரும் கதவு உடைக்கப்பட்டு பீரோவில் இருந்த நகை மற்றும் திருடப்பட்டதை அறிந்து அதிர்ச்சி அடைந்தனர். இச்சம்பவம் குறித்து வளர்மதி கடலாடி காவல் நிலையத்தில் புகார் அளித்தனர். அதன் பின் சம்பவ இடத்திற்கு விரைந்து வந்த போலீசார் மற்றும் கைரேகை நிபுணர்கள் அங்குள்ள கைரேகைகளை பதிவு செய்து விசாரணையில் ஈடுபட்டனர். மேலும் இச்சம்பவம் குறித்து வழக்குப்பதிவு செய்து நகை மற்றும் பணத்தை திருடிச்சென்ற மர்மநபர்களை போலீசார் வலைவீசி தேடி வருகின்றனர்.