கிடைச்சதெல்லாம் எடுத்தாச்சு…. அடுத்தடுத்து அரங்கேறிய சம்பவம்…. தடுத்து நிறுத்த கோரிக்கை….!!

கோவில் உண்டியலை உடைத்து மர்ம நபர்கள் பணத்தை கொள்ளையடித்து சென்ற சம்பவம் பரபரப்பை ஏற்படுத்தியுள்ளது.

திருச்சி மாவட்டத்தில் உள்ள செல்லிபாளையம் கிராமத்தில் இருக்கும் மாரியம்மன் கோவிலில் கடந்த சில நாட்களுக்கு முன்பு மர்ம நபர்கள் கோவில் உண்டியலை உடைத்து திருடி சென்றுள்ளனர். இந்நிலையில் அப்பகுதியில் உள்ள விநாயகர் கோவில் உண்டியலை உடைத்து பணத்தை திருடிய மர்ம நபர்கள், விவசாயிகள் வயலில் விற்பனைக்கு கொண்டு செல்வதற்காக வைத்திருந்த வெங்காயம் மூட்டைகளையும் கொள்ளையடித்து சென்றுள்ளனர்.

இச்சம்பவம் குறித்து துறையூர் காவல் துறைக்கு தகவல் தெரிவிக்கப்பட்டது. இதனையடுத்து சம்பவ இடத்திற்கு விரைந்து வந்த காவல்துறையினர் மற்றும் தடவியல் நிபுணர்கள் அங்கு பதிவான தடயங்களை சேகரித்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் இவ்வாறு தொடர்ச்சியாக திருட்டு சம்பவங்களில் ஈடுபட்டு வரும் அந்த மர்ம நபர்களை வலைவீசி தேடி வருகின்றனர்.