2000 ரூபாய் மதிப்பிலான கோழிகளை திருடி கொண்டு தப்பிக்க முயற்ச்சித்தவரை காவல் துறையினர் கைது செய்து விசாரித்து வருகின்றனர்
கிருஷ்ணகிரி மாவட்டத்தில் உள்ள சின்ன ஓரப்பம் என்ற கிராமத்தில் பெரியசாமி என்பவர் வசித்து வருகிறார். பெரியசாமி அவரது வீட்டிற்கு பின்புறமுள்ள பகுதியில் கோழி பண்ணை வைத்துள்ளார். இந்நிலையில் பெரியசாமியின் பண்ணைக்கு கோழி வாங்குவதற்காக ஒரு வாலிபர் வந்தார். அவர் பெரியசாமியிடமிருந்து ரூபாய் 2000 மதிப்புள்ள கோழிகளை திருடிக்கொண்டு தப்பிக்க முயற்சித்தார்.
அப்போது அவரை கையும் களவுமாக பிடித்த பெரியசாமி கந்திகுப்பம் காவல் நிலையத்தில் வாலிபரை ஒப்படைத்தார். இந்நிலையில் கோழிகளை திருடிச் சென்ற அந்த நபர் கிருஷ்ணகிரியில் உள்ள குப்பன் தெருவில் வசித்து வந்த சுதர்சன் என்பது காவல்துறை நடத்திய விசாரணையில் தெரியவந்துள்ளது. இதனைத்தொடர்ந்து போலீசார் அவரை கைது செய்து விசாரணை நடத்தி வருகின்றனர்.