மூதாட்டியின் வீட்டில் இருந்த ஒரு பவுன் தங்க நகையை திருடிச் சென்ற வாலிபர்களை காவல்துறையினர் கைது செய்துள்ளனர்.
கிருஷ்ணகிரி மாவட்டத்திலுள்ள ஊமையனூர் பகுதியில் பேபி என்ற மூதாட்டி வசித்து வருகிறார். இந்நிலையில் தனது விவசாய நிலத்திற்கு சென்றுவிட்டு வீடு திரும்பிய மூதாட்டி கதவு உடைக்கப்பட்டு இருந்ததை கண்டு அதிர்ச்சி அடைந்தார். அதன்பின் உள்ளே சென்று பார்த்தபோது பீரோவில் வைக்கப்பட்டிருந்த 1 1/2 பவுன் தங்க நகை காணாமல் போனதை அறிந்து ஊத்தங்கரை காவல் நிலையத்தில் புகார் அளித்துள்ளார்.
அந்த புகாரின் பேரில் வழக்குப்பதிவு செய்த காவல்துறையினர் விசாரணை நடத்தி வந்துள்ளனர். இதனை அடுத்து மூதாட்டி வீட்டில் நகை திருடிய குற்றத்திற்காக காரப்பட்டு பகுதியில் வசிக்கும் சதீஷ் மற்றும் பிரபாகரன் ஆகிய இருவரை காவல்துறையினர் கைது செய்துள்ளனர். அதன் பின் அவர்களிடம் இருந்த தங்க நகையை பறிமுதல் செய்த காவல்துறையினர் தீவிர விசாரணை மேற்கொண்டு வருகின்றனர்.