கடையின் பூட்டை உடைத்து பணம் மற்றும் பொருட்களை மர்ம நபர்கள் திருடி சென்ற சம்பவம் பரபரப்பை ஏற்படுத்தியுள்ளது.
நாமக்கல் மாவட்டத்தில் உள்ள கவுண்டம்பாளையம் பகுதியில் தமிழரசு என்பவர் வசித்து வருகிறார். இவர் டயர் மற்றும் கார் சர்வீஸ் வாட்டர் வாஷ் கடையை நடத்தி வந்துள்ளார். இந்நிலையில் இவர் இரவு கடையை மூடிவிட்டு மீண்டும், மறுநாள் காலை கடைக்கு சென்றபோது கடையின் பூட்டு உடைக்கப்பட்டிருந்ததை கண்டு அதிர்ச்சி அடைந்தார். இதனையடுத்து உள்ளே சென்று பார்த்தபோது கடையில் இருந்த கணினி, மடிக்கணினி, கண்காணிப்பு கேமரா போன்றவற்றையும், ரூபாய் 73 ஆயிரம் பணத்தையும் மர்ம நபர்கள் கொள்ளையடித்து விட்டு சென்றது தெரியவந்துள்ளது.
இதுகுறித்து உடனடியாக திருச்செங்கோடு டவுன் காவல் நிலையத்தில் தமிழரசு புகார் அளித்தார். அந்த புகாரின் பேரில் சம்பவ இடத்திற்கு விரைந்து சென்ற போலீசார் அங்கு சோதனை செய்தனர். அதன் பின் தடவியல் நிபுணர்கள் அங்கு பதிவான தடயங்களை சேகரித்தனர். மேலும் இச்சம்பவம் குறித்து வழக்குபதிவு செய்த போலீசார் கடையில் திருடி சென்ற மர்ம நபர்களை வலை வீசி தேடி வருகின்றனர்.