தெரு நாய்கள் கடித்து குதறியதில் 4 ஆடுகள் உயிரிழந்த சம்பவம் பரபரப்பை ஏற்படுத்தியுள்ளது.
திருவண்ணாமலை மாவட்டத்திலுள்ள கார்ணாம்பூண்டி கிராமத்தில் விவசாயியான பெரியசாமி என்பவர் வசித்து வருகிறார். இவர் தனக்கு சொந்தமான ஆடுகளை மேய்ச்சலுக்கு அழைத்து சென்று விட்டு நிலத்தில் கட்டி வைத்திருந்தார். இந்நிலையில் அங்கிருந்த தெருநாய்கள் கட்டி வைத்திருந்த 4 ஆடுகளை கடித்து குதறியதில் சம்பவ இடத்திலேயே பரிதாபமாக உயிரிழந்தது.
இதே போன்று அங்கு வளர்க்கும் கோழி, ஆடுகளை தெருநாய்கள் அடிக்கடி கடித்து வருவதாக பொதுமக்கள் புகார் அளித்துள்ளனர். இதுகுறித்து பொதுமக்கள் இது போன்ற சம்பவங்கள் நடைபெறாமல் இருக்க தெருநாய்களை பிடிக்க வேண்டும் என ஊராட்சி சார்பில் அதிகாரிகளுக்கு கோரிக்கை விடுத்துள்ளனர்.