தமிழ் சினிமாவில் முன்னணி ஹீரோவாக வலம் வரும் தனுஷ் பாலிவுட், ஹாலிவுட் சினிமாக்களிலும் கலக்கி வருகிறார். இவர் நடிப்பில் அண்மையில் வெளியான திருச்சிற்றம்பலம் மற்றும் நானே வருவேன் திரைப்படங்கள் நல்ல வரவேற்பை பெற்றது. அதன் பிறகு தனுஷ் நடித்திருக்கும் வாத்தி திரைப்படம் டிசம்பரில் ரிலீஸ் ஆகிறது. இந்த படத்தின் மூலம் நடிகர் தனுஷ் தெலுங்கிலும் நேரடியாக அறிமுகமாகிறார். இந்நிலையில் திருச்சிற்றம்பலம் படத்தை இயக்கிய ஜவகர் மித்ரன் ஒரு சுவாரசிய தகவலை பகிர்ந்ந்துள்ளார்.
கடந்த 2008-ம் ஆண்டு தனுஷ் மற்றும் நயன்தாரா நடிப்பில் யாரடி நீ மோகினி என்ற திரைப்படம் ரிலீஸ் ஆகி நல்ல வரவேற்பை பெற்றது. இந்த படத்தை இயக்குனர் ஜவகர் மித்ரன் இயக்கி இருந்தார். இந்நிலையில் யாரடி நீ மோகினி தெலுங்கு சினிமாவில் திரிஷா கதாநாயகியாக நடித்திருந்ததால் தமிழிலும் அவரையே கதாநாயகியாக நடிக்க வைக்க வேண்டும் என்று மித்ரன் விருப்பப்பட்டுள்ளார். ஆனால் கால்ஷீட் பிரச்சனையின் காரணமாக த்ரிஷாவால் நடிக்க முடியாமல் போனது.
இதன் காரணமாக நடிகை நயன்தாராவை படத்தில் நடிக்க வைக்க வேண்டும் என்று மித்ரன் முடிவு செய்துள்ளார். ஆனால் நடிகர் தனுஷ் வேண்டாம் என்று கூறியிருக்கிறார். அதாவது நயன்தாரா சற்று முதிர்வாக காணப்படுவதால் தனக்கு ஜோடியாக நடித்தால் செட்டாகாது என்று கூறியுள்ளார். ஆனால் மித்ரன் தான் தனுஷ் இடம் பேசி அவரை சம்மதிக்க வைத்துள்ளார். மேலும் அந்த படத்தில் தனுஷ் மற்றும் நயன்தாராவின் ஜோடி அப்போது ரசிகர்களால் பெரிய அளவில் பேசப்பட்டதோடு படமும் சூப்பர் ஹிட் ஆனது.