நடிகை அஞ்சலி நிசப்தம் படம் மூலமாகத்தான் நான் அழகானேன் என்று மகிழ்ச்சியாக கூறியுள்ளார்.
தமிழ் திரையுலகில் முன்னணி நடிகையாக வலம் வருபவர் அஞ்சலி. இவர் “அங்காடி தெரு” படத்தின் மூலம் மிகவும் பிரபலம் அடைந்தார். அதன்பின் மங்காத்தா, கலகலப்பு, சேட்டை உள்ளிட்ட பல்வேறு படங்களில் தன் திறமையை காட்டி ரசிகர்களின் மனதில் நீங்கா இடம் பிடித்துள்ளார்.
தமிழ், தெலுங்கு, கன்னடம்,மலையாளம் போன்ற படங்களில் கவனம் செலுத்தி வரும் அஞ்சலி தற்போது ஐந்து படங்களை கைவசம் வைத்திருக்கிறார். இந்நிலையில் அவர் அளித்த பேட்டி ஒன்றில், “நான் சினிமாவிற்கு வரும் ஆரம்ப கட்டத்தில் மிகவும் உடல் எடை அதிகமாக இருந்தேன். தற்போது மிகவும் மெலிந்த தோற்றத்தில் உள்ளேன்.
தற்போது எனக்கு இருக்கும் உடல் அமைப்பை பார்த்து பலரும் நீ மிகவும் அழகாக இருக்கிறாய் என்று கூறி வருகின்றனர். இது எனக்கு மிகவும் மகிழ்ச்சியளிக்கிறது. எனது இந்த அழகான உடல் அமைப்பிற்கு காரணம் நிசப்தம் படம்தான். ஏனென்றால் அந்தப் படத்தில் நான் போலீஸ் அதிகாரியாக நடித்த போது அதற்கேற்றவாறு உடல் எடையை குறைக்க வேண்டும் என்று படத்தின் இயக்குனர் கூறினார்.
அதனால் நான் எனது எடையை கஷ்டப்பட்டு குறைத்தேன். அதனால்தான் எனக்கு இப்படி ஒரு அழகான உடலமைப்பு கிடைத்து ரசிகர்களின் பாராட்டுக்களும் கிடைத்து வருகிறது” என்று அஞ்சலி மகிழ்ச்சியாக தெரிவித்தார். மேலும் தான் இப்படி ஒவ்வொரு படத்திற்கும் தனது தோற்றத்தை மாற்றிக் கொள்வதற்காக மிகவும் கஷ்டப்படுகிறேன் என்றும் கூறினார்.