வாலிபர் பீர் பாட்டிலில் தீவைத்து தொழிலாளி மீது வீசிய சம்பவம் பரபரப்பை ஏற்படுத்தியுள்ளது.
தூத்துக்குடி மாவட்டத்தில் உள்ள நேசமணி நகர் பகுதியில் போஸ் என்பவர் வசித்து வருகிறார். இவர் கூலித் தொழிலாளியாக வேலை பார்த்து வருகிறார். இவரது மகளுக்கு அங்குள்ள திருமண மண்டபத்தில் திருமணம் நடைபெற்றது. இதற்கான ஏற்பாடுகளை போஸ் செய்து கொண்டிருந்தார். அப்போது அங்கு வந்த பாரதி நகர் பகுதியில் வசிக்கும் கிஷோர் டேனியல் என்ற வாலிபர் மது குடிக்க பணம் கேட்டுள்ளார்.
அதற்கு போஸ் கிஷோர் டேனியலிடம் நீங்கள் யார் என்றே எனக்கு தெரியாது என்னிடம் ஏன் பணம் கேட்கிறீர்கள் என கேட்டு மறுப்பு தெரிவித்துள்ளார். இந்நிலையில் கிஷோர் டேனியல் போஸிடம் வாக்குவாதத்தில் ஈடுபட்டுள்ளார். அப்போது ஆத்திரமடைந்த கிஷோர் டேனியல் தான் வைத்திருந்த பீர் பாட்டிலில் தீ வைத்து போஸ் மீது வீசினார். இதில் பலத்த காயமடைந்த போஸ் மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்த சம்பவம் அப்பகுதியில் பரபரப்பை ஏற்படுத்தியுள்ளது.