பேருந்தில் 2 சிறுமிகளிடம் சில்மிஷத்தில் ஈடுபட்ட தொழிலாளியை காவல்துறையினர் போக்சோ சட்டத்தின் கீழ் கைது செய்துள்ளனர்.
திருப்பூர் மாவட்டத்திலுள்ள இந்திராபுதுநகரில் பழனிச்சாமி என்பவர் வசித்து வருகிறார். இவருக்கு தண்டபாணி என்ற மகன் உள்ளார். இவர் கூலி வேலை செய்து வருகிறார். இந்நிலையில் தண்டபாணி அமராவதிநகர் பேருந்து நிலையத்தில் அரசு பேருந்தில் ஏறியுள்ளார். அப்போது 6-வது மற்றும் 7-வது படிக்கும் இரு சிறுமிகள் பள்ளிக்கு சென்று விட்டு அதே பேருந்தில் வீட்டிற்கு திரும்பி வந்து கொண்டிருந்தனர்.
இந்நிலையில் தண்டபாணி இருக்கையில் அமர்ந்திருந்த அந்த சிறுமிகளிடம் பாலியல் நோக்கத்துடன் சில்மிஷம் செய்துள்ளார். இதுகுறித்து சிறுமிகள் பெற்றோரிடம் நடந்ததை கூறியுள்ளனர். இதுகுறித்து ஒரு சிறுமியின் தாயார் உடுமலை மகளிர் காவல்நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் போக்சோ சட்டத்தின் கீழ் தண்டபாணியை கைது செய்து சிறையில் அடைத்தனர்.