தொழிற்சாலையில் ஏற்பட்ட விபத்தில் தொழிலாளிகள் உயிரிழந்த சம்பவம் சோகத்தை ஏற்படுத்தியுள்ளது.
ராணிப்பேட்டை மாவட்டத்தில் சிமெண்ட் சீட் தயாரிக்கும் தொழிற்சாலை அமைந்திருக்கிறது. இதில் கடந்த சில தினங்களுக்கு முன்பாக தொழிற்சாலையில் பாய்லர் வெடித்து விபத்து ஏற்பட்டு இருக்கிறது. இந்த விபத்தில் தொழிற்சாலையில் பணிபுரிந்து கொண்டிருந்த ஒப்பந்த தொழிலாளர்கள் 6 பேருக்கு காயம் ஏற்பட்டுள்ளது. அதனால் அவர்களை மீட்டு அரசு மருத்துவமனைக்கு சிகிச்சைக்காக அனுமதித்துள்ளனர். அங்கு அவர்களுக்கு தீவிரமாக சிகிச்சை அளிக்கப்பட்டு வந்தது.
இதனையடுத்து இரண்டு பேர் சிகிச்சை முடிந்து வீட்டிற்கு திரும்பி சென்றுள்ளனர். பின்னர் மற்ற 4 பேருக்கும் தொடர்ந்து மருத்துவர்களால் சிகிச்சை அளிக்கப்பட்டு வருகிறது. அதற்குப் பிறகு சிகிச்சை பலனின்றி வசந்த், சர்தார், அலி பங்கஜ், குமார் ஆகிய 4 பேரும் பரிதாபமாக உயிரிழந்துள்ளார். மேலும் இது குறித்து வழக்குபதிவு செய்த காவல்துறையினர் தீவிர விசாரணை மேற்கொண்டு வருகின்றனர்.