தற்போது மித்ரன் ஜவஹர் இயக்கத்தில் உருவாக உள்ள “டி44” என்ற படத்தில் தனுஷுக்கு ஜோடியாக நடிக்க இரண்டு பிரபல நடிகைகள் ஒப்பந்தமாகியுள்ளதாக தகவல் வெளியாகியுள்ளது.
நடிகர் தனுஷ் நடிப்பில் கார்த்திக் நரேன் இயக்கத்தில் உருவாகியுள்ள “மாறன்” திரைப்படத்தின் ஃபர்ஸ்ட் லுக் போஸ்டர் ரசிகர்களிடையே பெரும் வரவேற்பை பெற்றுள்ளது. இந்த மாறன் திரைப்படத்தை தொடர்ந்து நடிகர் தனுஷ் மித்ரன் ஜவஹர் இயக்கத்தில் உருவாகும் “டி44” என்ற படத்தில் நடிக்க உள்ளதாக தகவல் வெளியாகியுள்ளது. ஏற்கனவே மித்ரன் ஜவஹர் இயக்கத்தில் உத்தமபுத்திரன், யாரடி நீ மோகினி, குட்டி உள்ளிட்ட படங்களில் நடிகர் தனுஷ் இணைந்து பணியாற்றியது குறிப்பிடத்தக்கது.
இந்த நிலையில் மித்ரன் ஜவஹர் ஆகஸ்ட் 5-ஆம் தேதி முதல் “டி44” திரைப்படத்திற்கான படப்பிடிப்பை தொடங்க திட்டமிட்டுள்ளதாகவும், மூன்று கதாநாயகிகள் இந்த படத்தில் தனுசுக்கு ஜோடியாக நடிப்பார்கள் எனவும் தகவல் தெரிவிக்கப்பட்டுள்ளது. அந்த கதாநாயகிகளில் ஒருவராக நடிகை ஹன்சிகா நடிப்பார் எனவும், இரண்டு கதாநாயகிகள் யார் என்பது குறித்த தகவல் சமீபத்தில் வெளியிடப்பட்டதாக கூறப்படுகிறது. அந்த வகையில் தமிழ் சினிமாவில் வளர்ந்து வரும் நடிகை பிரியா பவானி சங்கர் மற்றும் நடிகை ராஷி கண்ணா ஆகிய இருவரும் “டி44” படத்தில் ஒப்பந்தமாகியுள்ளதாக தகவல் வெளியாகியுள்ளது.