நடிகர் அஜித் நடித்துள்ள துணிவு படத்திலிருந்து ‘சில்லா சில்லா’ என்ற பாடல் டிசம்பர் 9ஆம் தேதி வெளியாகிறது..
ஹெச் வினோத் -அஜித் கூட்டணியில் நேர்கொண்ட பார்வை, வலிமை உள்ளிட்ட படங்கள் வெளியானதை தொடர்ந்து தற்போது துணிவு திரைப்படம் உருவாகியுள்ளது. இத்திரைப்படத்தை போனி கபூர் தயாரிக்கின்றார். மேலும் மஞ்சு வாரியார், சமுத்திரக்கனி உள்ளிட்டோர் நடிக்க ஜிப்ரான் இசையமைத்துள்ளார். இத்திரைப்படம் 2023 பொங்கலை முன்னிட்டு ரிலீஸ் ஆகின்றது. தற்போது படத்தின் டப்பிங் பணிகள் கிட்டத்தட்ட முடிந்துள்ளது.
இத்திரைப்படத்தை ரெட் ஜெயண்ட் சார்பாக தமிழகத்தில் உதயநிதி வெளியிட உள்ளார். தமிழக வெளியீடு உரிமையை உதயநிதி பெற்றுள்ள நிலையில் வெளிநாடுகளில் வெளியிடும் உரிமையை லைக்கா நிறுவனம் பெற்று இருக்கின்றது. துணிவு படத்தின் போஸ்டர்கள், போட்டோக்கள் எல்லாம் வெளியானது. எனவே முதல் சிங்கிள் பாடல் எப்போது வெளியாகும் என ரசிகர்கள் ஆவலோடு இருந்தனர்.
இந்நிலையில் வரும் 9ஆம் தேதி வெளியாகிறது அஜித்தின் ‘துணிவு’ படத்தின் முதல் சிங்கிள் பாடல்.. ‘துணிவு’ படத்தின் முதல் பாடலான ‘சில்லா சில்லா’ டிசம்பர் 9ஆம் தேதி வெளியாகியுள்ளதாக தயாரிப்பாளர் போனி கபூர் ட்விட்டரில் அறிவித்துள்ளார். இதனை அஜித் ரசிகர்கள் சமூகவலைத்தளங்களில் கொண்டாடி வருகின்றனர்.
The Wait is over! 💥 #ChillaChilla is coming to rule your Playlist 😉 from December 09#ChillaChillaFromDec9 #ThunivuPongal #Thunivu #NoGutsNoGlory#Ajithkumar #HVinoth@ZeeStudios_ @Udhaystalin @BayViewProjOffl @RedGiantMovies_ @Kalaignartv_off @NetflixIndia pic.twitter.com/3ommR06X16
— Boney Kapoor (@BoneyKapoor) December 5, 2022