தல அஜித்குமார், இயக்குநர் வினோத், தயாரிப்பாளர் போனிகபூர் போன்றார் 3வது முறையாக இணைந்திருக்கும் படம் “துணிவு”. பஞ்சாபில் நடந்த வங்கி்க்கொள்ளையை மையமாக கொண்டு இப்படம் உருவாகியுள்ளது. இந்த படத்திற்கு ஜிப்ரான் இசை அமைக்க, நீரவ்ஷா ஒளிப்பதிவு செய்திருக்கிறார். மேலும் இந்த படத்தில் மஞ்சு வாரியர் முக்கிய வேடத்தில் நடித்து இருக்கிறார். இத்திரைப்படத்தின் சூட்டிங் பணிகள் அனைத்தும் முடிவடைந்து தற்போது டப்பிங் பணிகள் நடைபெற்று வருகிறது. இப்படத்தில் இடம்பெற்றுள்ள சில்லா..சில்லா”, “காசேதான் கடவுளடா” ஆகிய பாடல் வெளியாகி ரசிகர்களிடம் நல்ல வரவேற்பை பெற்று வருகிறது.
இந்நிலையில் 3-வது பாடலான “கெத்து” பாடல் குறித்து நடன இயக்குநர் கல்யாண் மாஸ்டர் கூறியதாவது, “ரசிகர்கள் எதிர்பார்த்தது போல் இந்த பாடலில் அஜித் சாரை புது ஸ்டைலில் காட்டி இருக்கிறோம். இப்பாடலை கேட்டால் தியேட்டரில் யாருடைய கால்களும் ஆடாமல் இருக்காது. மேலும் இந்த பாடல் தான் தொடக்க பாடலாகவும் இருக்கும். நானும் இப்பாடலில் கௌரவ தோற்றத்தில் வந்திருக்கிறேன்” என நேர்காணல் ஒன்றில் கூறி உள்ளார். இதன் காரணமாக அஜித் ரசிகர்கள் இந்த பாடலுக்காக ஆர்வத்துடன் காத்திருக்கின்றனர்.