பாஜக மாநில தலைவர் அண்ணாமலை கைகளில் கட்டியுள்ள ரபேல் வாட்ச் தான் தற்போது தமிழக அரசியலில் பேசு பொருளாக மாறியுள்ளது. இந்த வாட்சின் விலை பல லட்சங்கள் இருப்பதாக கூறப்படும் நிலையில், வெறும் ஆடு மட்டும் வளர்த்து எப்படி இவ்வளவு ரூபாய் மதிப்புள்ள வாட்சை வாங்க முடிந்தது என அமைச்சர் செந்தில் பாலாஜி கேள்வி எழுப்பியுள்ளார். அதோடு கைக்கடிகாரத்தின் ரசீதை பொதுவெளியில் வெளியிட்டால் எளிய மக்களும் வாங்கி மகிழ்வார்கள் என்று சவால் விடுத்திருந்தார். இதற்கு அண்ணாமலை என்னுடைய மொத்த சொத்துக்கள் மதிப்பும் கூடிய விரைவில் வெளியிடப்படும் என்று கூறியிருந்தார்.
இருப்பினும் ரபேல் கைக்கடிகாரத்தின் விலை ரசீதை அண்ணாமலை இன்னும் வெளியிடவில்லை. இது தமிழக அரசியலில் பரபரப்பாக பேசப்படும் நிலையில், தற்போது கோவையில் ஒட்டப்பட்டுள்ள ஒரு போஸ்டர் பெரும் சர்ச்சையை ஏற்படுத்தியுள்ளது. அந்த போஸ்டர் திமுக சார்பில் ஒட்டப்பட்டுள்ள நிலையில், “டிக் டிக் டிக் பயந்துட்டியா மல” என்ற வாசகம் இருக்கிறது. இது மறைமுகமாக பாஜக அண்ணாமலைக்காக ஒட்டப்பட்ட போஸ்டர் தான் என்று கூறப்படுகிறது. மேலும் கோவையில் பாஜக மாநில தலைவர் அண்ணாமலையை கலாய்க்கும் விதமாக ஒட்டப்பட்ட போஸ்டர் தற்போது சமூக வலைதளங்களில் வைரலாகி வருகிறது.