சேலம் ஸ்பார்டன்ஸ் அணிக்கு எதிரான ஆட்டத்தில் சேப்பாக் அணி 4 விக்கெட் வித்தியாசத்தில் வெற்றி பெற்றுள்ளது .
5-வது சீசன் டிஎன்பிஎல் டி20 போட்டியில் நேற்று நடைபெற்ற 12-வது லீக் போட்டியில் சேப்பாக் சூப்பர் கில்லீஸ்- சேலம் ஸ்பார்டன்ஸ் அணிகள் பலப்பரீட்சை நடத்தின. இதில் டாஸ் வென்ற சேப்பாக் அணி பந்துவீச்சை தேர்ந்தெடுத்தது. அதன்படி முதலில் களமிறங்கிய சேலம் அணி 20 ஓவர் முடிவில் 7 விக்கெட் இழப்பிற்கு 142 ரன்களை எடுத்தது. சேப்பாக் அணி தரப்பில் சோனு யாதவ் 3 விக்கெட்டுகளும் , ஹரிஷ் குமார் 2 விக்கெட்டுகளும் கைப்பற்றினர். இதன்பிறகு களமிறங்கிய சேப்பாக் அணி 143 ரன்களை வெற்றி இலக்காக கொண்டு விளையாடியது. இதில் தொடக்க வீரரான கவுசிக் காந்தி ரன் எடுக்காமல் அவுட் ஆனார்.
இருப்பினும் மற்றொரு தொடக்க வீரரான ஜெகதீசன் பொறுப்புடன் விளையாடி ரன்களை குவித்தார். ஒருபுறம் விக்கெட்டுகளை இழக்க மறுபுறம் நினைத்து ஆடிய ஜெகதீசன் 52 ரன்களில் ஆட்டமிழந்து வெளியேறினார். இதன்பிறகு களமிறங்கிய சசிதேவ் 42 ரன்களில் ஆட்டமிழந்தார். இறுதியாக சேப்பாக் அணி 6 விக்கெட் இழப்புக்கு 145 ரன்கள் குவித்து வெற்றி பெற்றது. இதனால் 4 விக்கெட் வித்தியாசத்தில் சேலம் அணியை வீழ்த்திய சேப்பாக் அணி முதல் வெற்றியை பதிவு செய்தது.