டிஎன்பிஎல் டி20 போட்டியில் இன்று நடைபெற உள்ள ஆட்டத்தில் திண்டுக்கல் டிராகன்ஸ் – சேலம் ஸ்பார்டன்ஸ் மோதுகின்றன.
5-வது சீசன் டிஎன்பிஎல் டி20 போட்டி சென்னை சேப்பாக்கத்தில் உள்ள எம்.ஏ.சிதம்பரம் மைதானத்தில் நடைபெற்று வருகிறது. இதில் இன்று 7.30 மணிக்கு நடைபெற உள்ள 15-வது லீக் ஆட்டத்தில் திண்டுக்கல் டிராகன்ஸ்-சேலம் ஸ்பார்டன்ஸ் அணிகள் மோதுகின்றன. இதுவரை 3 போட்டிகளில் விளையாடிய திண்டுக்கல் அணி 2 வெற்றி ஒரு தோல்வியுடன் 4 புள்ளிகளை பெற்று பட்டியலில் 3-வது இடத்தை பெற்றுள்ளது.
இதேபோல் 3 போட்டியில் விளையாடி உள்ள சேலம் அணி ஒரு வெற்றி, ஒரு தோல்வி மற்றும் ஒரு ஆட்டத்தில் டிரா என பட்டியலில் 5 -வது இடத்தை பெற்றுள்ளது. இதனால் இன்று நடைபெறவுள்ள போட்டியில் 2-வது வெற்றியை கைப்பற்றும் முனைப்புடன் சேலம் அணி களம் இறங்கும் என எதிர்பார்க்கப்படுகிறது.