திருப்பூர் தமிழன்ஸ் அணிக்கு எதிரான ஆட்டத்தில் 81 ரன்கள் வித்தியாசத்தில் மதுரை பாந்தர்ஸ் அணி அபார வெற்றி பெற்றுள்ளது .
5-வது சீசன் டிஎன்பிஎல் டி20 போட்டியில் நேற்றைய ஆட்டத்தில் மதுரை பாந்தர்ஸ் – திருப்பூர் தமிழன்ஸ் அணிகள் பலப்பரீட்சை நடத்தின .இதில் டாஸ் வென்ற திருப்பூர் அணி பந்துவீச்சை தேர்வு செய்தது. அதன்படி முதலில் பேட்டிங் செய்த மதுரை அணி 20 ஓவர் முடிவில் 6 விக்கெட் இழப்பிற்கு 184 ரன்கள் எடுத்தது. இதில் அதிகபட்சமாக ஜெகதீசன் கவுசிக் 40 ரன்கள் மற்றும் சதுர்வேத் 41 ரன்களும் எடுத்தனர்.
இதன் பிறகு களமிறங்கிய திருப்பூர் அணி 185 ரன்களை வெற்றி இலக்காக கொண்டு விளையாடியது. ஆனால் மதுரை அணியின் பந்துவீச்சை எதிர்கொள்ள முடியாமல் சீரான இடைவெளியில் திருப்பூர் அணி விக்கெட்டுகளை இழந்தது .இறுதியாக திருப்பூர் அணி அனைத்து விக்கெட்டுகளையும் 103 ரன்களை குவித்தது. இதில் அதிகபட்சமாக ராஜ்குமார் 42 ரன்கள் எடுத்தார். இதனால் 81 வித்தியாசத்தில் திருப்பூர் அணியை வீழ்த்தி மதுரை அணி அபார வெற்றி பெற்றது.