டிஎன்பிஎல் டி20 போட்டியில் இன்று நடைபெற உள்ள 10-வது லீக் ஆட்டத்தில் நெல்லை ராயல் கிங்ஸ் – திருப்பூர் தமிழன்ஸ் அணிகள் பலப்பரீட்சை நடத்துகின்றன.
5-வது சீசன் டிஎன்பிஎல் டி20 போட்டி சென்னை சேப்பாக்கத்தில் உள்ள எம்.ஏ. சிதம்பரம் மைதானத்தில் நடைபெற்று வருகிறது. இதில் இன்று நடைபெற உள்ள 10-வது லீக் ஆட்டத்தில் நெல்லை ராயல் கிங்ஸ் – திருப்பூர் தமிழன்ஸ் அணிகள் பலப்பரீட்சை நடத்துகின்றன. இதற்கு முந்தைய ஆட்டத்தில் திருச்சியிடம் தோற்ற நெல்லை அணி , சேப்பாக் சூப்பர் கில்லீசை வீழ்த்தி வெற்றி பெற்றது .
இதனால் இன்று நடைபெற உள்ள போட்டியில் 2-வது வெற்றியை பெறும் ஆர்வத்தில் உள்ளது. இதையடுத்து சேப்பாக் சூப்பர் கில்லீஸ் அணியுடன் மோதிய திருப்பூர் அணியின் முதல் ஆட்டம் மழையால் ரத்தானது. இதன்பிறகு நடந்த 2-வது ஆட்டத்தில் சேலத்திடம் தோல்வியடைந்தது. இதனால் இன்று நடைபெற உள்ள போட்டியில் வெற்றி பெறும் முனைப்புடன் களமிறங்கும் என எதிர்பார்க்கப்படுகிறது.இந்த போட்டி இன்று இரவு 7.30 மணிக்கு தொடங்குகிறது .