வாய்க்கால்களில் தோண்டப்படும் பள்ளங்கள்…. உயர்த்தப்படும் நிலத்தடி நீர்மட்டம்…. பயன்பெரும் விவசாய தொழிலாளர்கள்….!!

வாய்க்கால்களில் பள்ளங்கள் அமைத்து மழை நீர் சேகரிக்கும் பணி தொடங்கியுள்ளது.

தஞ்சாவூர் மாவட்டத்தில் பூதலூர் ஒன்றியத்திற்கு உட்பட்ட கிராமத்தில் தேசிய ஊரக வேலை வாய்ப்புத் திட்டத்தின் கீழ் பல்வேறு மேம்பாட்டுப் பணிகள் நடைபெற்று வருகின்றன. இந்த பணிகள் மூலம் விவசாயத் தொழிலாளர்கள் பலரும் வேலைவாய்ப்பு பெற்று வருகின்றனர்.

இந்நிலையில் கோடை காலத்தில் பெய்யும் கோடை மழை நீரை சேமிக்கவும் அதன் மூலம் நிலத்தடி நீர் மட்டத்தை உயர்த்தவும் கிராமப்புறங்களில் உள்ள வாய்க்கால்களில் தேசிய ஊரக வேலைவாய்ப்பு திட்ட பணியாளர்களை கொண்டு வாய்க்கால்களில் குழிகள் தோண்டப்பட்டு வருகின்றது.

இந்த பள்ளமானது ஒரு அடி ஆழம், 3 1/2 அடி நீளம், 1 1/2 அடி அகலத்திலும் தோண்டப்பட்டுள்ளன. இதன் மூலம் பள்ளம் மற்றும் மேடு பகுதிகள் சமமாகி பாசனத்திற்கு உகந்த வகையில் தண்ணீர் செல்ல வாய்ப்பு ஏற்படும் என விவசாயிகள் தெரிவித்துள்ளனர்.