ஆந்திர மாநிலத்தில் உள்ள பிரசித்தி பெற்ற திருப்பதி ஏழுமலையான் திருக்கோவிலுக்கு தினந்தோறும் உள்ளூர் மற்றும் வெளி மாநிலங்களில் இருந்து ஆயிரக்கணக்கான பக்தர்கள் சாமி தரிசனத்திற்காக வருகின்றனர். கடந்த 2 வருடங்களுக்குப் பிறகு திருப்பதி கோவிலில் சாமி தரிசனத்திற்கு பக்தர்கள் அனுமதிக்கப்பட்டுள்ளனர். இந்நிலையில் திருப்பதி தேவஸ்தானம் தரப்பில் தற்போது ஒரு முக்கிய அறிவிப்பு வெளியிடப்பட்டுள்ளது.
அதன்படி மாற்றுத்திறனாளிகள் மற்றும் மூத்தக்குடி மக்கள் நவம்பர் மாத தரிசனத்திற்கான டிக்கெட்டுகளை ஆன்லைனில் விண்ணப்பித்துக் கொள்ளலாம். இதனையடுத்து ஆன்லைனில் ஒரு நாளைக்கு 1000 டிக்கெட்டுகள் வரை வழங்கப்படும் நிலையி,ல் டிக்கெட் முன்பதிவு செய்தவர்கள் தினந்தோறும் மாலை 3 மணி அளவில் சாமி தரிசனத்திற்கு அனுமதிக்கப்படுவார்கள். மேலும் இலவச தரிசன சிறப்பு டிக்கெட்டுகளை ஆன்லைனில் tirupatibalaji.ap.gov.in என்ற முகவரியில் விண்ணப்பித்துக் கொள்ளலாம்.