மிக சிறிய இனக்குரங்கிற்கு புதிதாக பிறந்த இரட்டை குரங்கு குட்டிகள் ஒட்டி பிறந்துள்ள சம்பவம் ஆச்சர்யத்தை ஏற்படுத்தியுள்ளது.
பிரிட்டனில் செஸ்டர் வனவிலங்கு பூங்கா ஒன்றில் சோயி மற்றும் பால்ட்ரிக் என்ற இரு குரங்குகள் உள்ளன. இந்த காதல் ஜோடி குரங்குகளுக்கு புதிதாக ஒரு இரட்டை குரங்குகள் ஒட்டி பிறந்துள்ளன. 10 கிராம் எடை கொண்ட இந்த குரங்குகள் 2 இன்ச் உயரமும் இருக்கும். இதுகுறித்து இந்த குரங்குகளின் பராமரிப்பாளர் ஒருவர் கூறுகையில், “செப்டம்பர் மாத தொடக்கத்தில் தான் இந்த இரட்டை குட்டிகள் பிறந்தன. இதைப்பற்றி பற்றி இன்னும் அறிந்து கொள்ள நான் ஆவலாக இருக்கிறேன்.
இவற்றின் பாலினம் என்ன என்பது இன்னும் சில மாதங்களில் தெரியும் என்று எதிர்பார்க்கிறேன். இவை வளர்ந்த பிறகு 130 கிராம் எடையும், 8 இன்ச் உயரமும் இருக்கும்” என்று கூறியுள்ளார். இந்த குரங்கு இனம் மேற்கு பிரேசில், தென்கிழக்கு கொலம்பியா, கிழக்கு ஈகுடார் மற்றும் கிழக்கு பெருவில் உள்ள மழைக்காடுகளில் தான் பெரும்பாலும் இருக்கும். தற்போது இந்த இனம் அழிந்து வருகிறது. மேலும் செல்லப்பிராணியாக வளர்க்க இந்தக் குரங்குகள் பிடிக்கப்படுகிறது என்று கூறியுள்ளார்.