டெல்லியில் இன்று ஒரே நாளில் 956 பேருக்கு கொரோனா தொற்று இருப்பது உறுதி செய்யப்பட்டுள்ளதாக சுகாதாரத்துறை அமைச்சகம் தெரிவித்துள்ளது.
டெல்லியில் அதிகரித்து வந்த கொரோனா பாதிப்பு சென்ற சில தினங்களாக கொரோனாவால் பாதிக்கப்படுவர்களின் எண்ணிக்கை சற்று குறைந்தே வருகிறது., இந்நிலையில் டெல்லி சுகாதாரத்துறை இன்று வெளியிடப்பட்டுள்ள அறிக்கையின்படி, டெல்லியில் இன்று மேலும் 956 பேருக்கு கொரோனா தொற்று உறுதி செய்யப்பட்டு இருப்பதாக தெரிவிக்கப்பட்டுள்ளது. இதனால் மொத்த பாதிப்பு எண்ணிக்கை 1,49,460 ஆக அதிகரித்துள்ளது.
இன்று ஒரேநாளில் டெல்லியில் 14 பேர் கொரோனாவால் பலியாகியுள்ளனர். இதுவரை கொரோனா பாதிக்கப்பட்டு பலியானவர்களின் எண்ணிக்கை 4167 ஆக உயர்ந்துள்ளது. மேலும் இன்று 913 பேர் கொரோனா பாதிப்பில் இருந்து குணமடைந்து வீடு திரும்பியுள்ளனர். இதன் மூலம் கொரோனா தொற்றில் இருந்து குணமடைந்தவர்களின் எண்ணிக்கை 1,34,318 ஆக அதிகரித்துள்ளது. டெல்லியில் தற்போது வரை 10,975 பேர் கொரோனாவிற்கு மருத்துவமனைகளில் சிகிச்சை பெற்று வருவதாக டெல்லி சுகாதாரத்துறை தெரிவித்துள்ளது.