ரயில் மோதி வாலிபர் பலியான சம்பவம் சோகத்தை ஏற்படுத்தியுள்ளது.
கரூர் மாவட்டத்திலுள்ள பைபாஸ் சாலையில் இருக்கும் ரயில்வே தண்டவாளத்தில் அடையாளம் தெரியாத ஒரு நபர் ரயில் மோதி இறந்து கிடந்துள்ளார். இதுகுறித்து தகவல் அறிந்ததும் ரயில்வே போலீசார் சம்பவ இடத்திற்கு விரைந்து வந்து வாலிபரின் உடலை மீட்டு உடற்கூறு ஆய்வுக்காக அரசு மருத்துவமனைக்கு கொண்டு சென்றுள்ளனர்.
அந்த நபர் யார் ? எந்த ஊரைச் சேர்ந்தவர் ? என்பது குறித்து எதுவும் தெரியவில்லை.ஆனால் அந்த நபரின் இடது கையில் ப்ரியா என்றும் வலது கையில் சிங்கம் பாய்ந்து வருவது போலவும் பச்சை குத்தியுள்ளார். இவற்றை வைத்து போலீசார் விசாரணை மேற்கொண்டு வருகின்றனர்.