ரெயிலின் படிக்கட்டிலிருந்து தவறி விழுந்து வடமாநில வாலிபர் உயிரிழந்த சம்பவம் சோகத்தை ஏற்படுத்தியுள்ளது.
ஒடிசா மாநிலம் மோனிகடா பகுதியில் கத்ரி நாயக் என்பவர் வசித்து வருகிறார். இவருக்கு காலூர் சரண் நாயக் என்ற மகன் இருந்துள்ளார். இவர் ஒடிசா மாநிலத்தில் இருந்து கேரள மாநிலத்திற்கு வேலைக்காக ரெயிலில் பயணம் செய்துள்ளார். இந்நிலையில் கேத்தாண்டப்பட்டி- ஜோலார்பேட்டை ரெயில் நிலையங்களுக்கு இடையே சென்று கொண்டிருந்த போது காலூர் சரண் நாயக் ரெயிலின் படிக்கட்டிலிருந்து திடீரென தவறி விழுந்து சம்பவ இடத்திலேயே பரிதாபமாக உயிரிழந்தார்.
இதுகுறித்து தகவல் அறிந்த ஜோலார்பேட்டை ரெயில்வே காவல்துறையினர் சம்பவ இடத்திற்கு விரைந்து சென்று காலூர் சரண் நாயக்கின் உடலை கைப்பற்றி திருப்பத்தூர் அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இது குறித்து வழக்கு பதிவு செய்த காவல்துறையினர் விசாரணை மேற்கொண்டு வருகின்றனர்.