திருச்சி மாவட்டத்தில் உள்ள ஸ்ரீரங்கத்தில் வருகிற 2023- ஆம் ஆண்டு ஜனவரி மாதம் 2- ஆம் தேதி வைகுண்ட ஏகாதேசி திருவிழா வெகு விமர்சையாக நடைபெற இருக்கிறது. இந்நிலையில் தென்னக ரயில்வே சார்பில் ஜனவரி 1- ஆம் தேதி முதல் 3-ஆம் தேதி வரை பயணிகளின் வசதிக்காக சிறப்பு ஏற்பாடு செய்யப்பட்டுள்ளது.
அதாவது மதுரை- சென்னை வைகை எக்ஸ்பிரஸ் ரயில் (வ.எண் 12636/12635) மற்றும் தென்காசி மதுரை வழியாக இயக்கப்படும் கொல்லம்- சென்னை எக்ஸ்பிரஸ் ரயில் (வ.எண் 16101/16102) ஆகிய ரயில்கள் இரு மார்க்கங்களிலும் 2 நிமிடங்கள் ஸ்ரீரங்கம் ரயில் நிலையத்தில் நின்று செல்லும். இதனையடுத்து மேற்கண்ட நாட்களில் ரயில்களில் ஸ்ரீரங்கம் ரயில் நிலையத்திற்கு பயணம் செய்ய முன்பதிவு வசதியும் ஏற்படுத்தப்பட்டுள்ளதாக ரயில்வே நிர்வாகம் சார்பில் தெரிவிக்கப்பட்டுள்ளது.