பிரச்சனையில் மாட்டிக்கொண்ட இளைஞர்களின் கதையான சஞ்சீவன் திரைப்படத்தின் விமர்சனம்.
நிலன், சத்யா, விமல், சங்கர் உள்ளிட்ட நால்வரும் நெருங்கிய தோழர்கள். இதில் ஹீரோ வினோத் லோகிதாஸ் ஸ்னுக்கர் விளையாட்டில் மிகவும் திறமை வாய்ந்தவர். இவர் விளையாட்டு ஒன்றில் பங்கேற்று இறுதி கட்டம் வரை சென்று அதில் வெற்றி பெறுகின்றார். இதை கொண்டாடும் வகையில் நண்பர்களுடன் ஏற்காடு செல்கின்றார். அப்போது என்ன நடக்கின்றது என்பதே படத்தின் மீதி கதையாகும். திரைப்படத்தில் அனைவரும் புது முகங்களாக இருந்தாலும் தனக்கான வேலையை சரிவர செய்துள்ளார்கள்.
ஹீரோ விளையாடுவது காதலிப்பது என துறுதுறுப்ப்பான நடிப்பை வெளிகாட்டி உள்ளார். சிவ் நிஷாந்த், சத்யா, யாசின் உள்ளிட்டோர் நகைச்சுவை மூலம் படத்திற்கு பலம் சேர்த்துள்ளார்கள். ஹீரோயின் திவ்யா துரைசாமி சில காட்சிகள் வந்தாலும் காதல் காட்சிகளில் ரசிகர்களை கவர்ந்திருக்கின்றார். தனக்கான இடத்தை அவர் தக்க வைத்திருக்கிறார்.
இயக்குனர் மணிசேகர் முதல் திரைப்படத்திலேயே தனது திறமையை வெளிப்படுத்தியுள்ளார். இத்திரைப்படம் காதல், மோதல் என இளம் தலைமுறையினர் ரசிக்கும் வண்ணம் உள்ளது. மேலும் தனுஷ் மேனன் இசையில் பாடல்கள் அனைத்தும் கேட்கும் ரகம். மொத்தத்தில் சஞ்சீவன் களமாடியுள்ளான்.