தெலுங்கானாவில் அமெரிக்க அதிபர் டோனால்ட் டிரம்ப்க்கு சிலை வைத்து வழிபாடு செய்ய வந்த நபர் மாரடைப்பால் மரணமடைந்தார்.
தெலுங்கானா மாநிலம் ஜம்புவான் மாவட்டத்தை சேர்ந்த இவர் விஷால்கிருஷ்ணா, விவசாயியான இவர் அமெரிக்க அதிபர் டோனால்ட் டிரம்ப் மீது மிகுந்த பற்று கொண்டவராக திகழ்ந்தார். அமெரிக்க அதிபர் டிரம்ப் இன் 73வது பிறந்த நாளான கடந்த ஆண்டு ஜூன் மாதம் 14-ஆம் தேதி தனது வீட்டில் டிரம்புக்கு 6 அடிக்கு சிலை அமைத்தார். டிரம்ப்பை கடவுளாகக் கருதி அவரது சிலையை விஷால்கிருஷ்ணா தினமும் வழிபட்டு வந்தார்.
இந்நிலையில் மீட்டக் மாவட்டத்தில் உள்ள தனது உறவினர் வீட்டிற்குச் சென்றிருந்த விஷால் கிருஷ்ணாவுக்கு திடீரென மாரடைப்பு ஏற்பட்டது. உடனடியாக உறவினர்கள் கிருஷ்ணாவை மீட்டு அருகில் உள்ள மருத்துவமனைக்கு கொண்டு சென்றனர். கிருஷ்ணாவை பரிசோதனை செய்த மருத்துவர்கள் மாரடைப்பால் அவர் ஏற்கனவே இறந்துவிட்டதாக அறிவித்தனர். கிருஷ்ணாவின் உயிரிழப்பு அவரின் உறவினருக்கு மட்டுமல்லாமல் பலருக்கும் பெரும் அதிர்ச்சியை ஏற்படுத்தியுள்ளது.