ரோட்டில் நடந்து சென்றவரின் செல்போனை 2 மர்ம நபர்கள் பறிக்க முயன்ற சம்பவம் பரபரப்பை ஏற்படுத்தியுள்ளது.
சென்னை மாவட்டத்திலுள்ள புரசைவாக்கம் பகுதியில் ராமச்சந்திரன் என்பவர் வசித்து வருகிறார். இவர் டவுட்டன் பாலம் சிக்னல் அருகே நடந்து சென்று கொண்டிருக்கும் போது, திடீரென மோட்டார் சைக்கிளில் 2 மர்ம நபர்கள் ராமச்சந்திரனின் அருகில் சென்றுள்ளனர். இந்நிலையில் ராமச்சந்திரன் எதிர்பாராத சமயத்தில் அந்த 2 மர்ம நபர்களும் அவரின் செல்போனை பறித்து விட்டு தப்பி ஓட முயற்சி செய்துள்ளனர். இதனால் ராமச்சந்திரனின் சத்தம் கேட்டு அருகில் உள்ள பொதுமக்கள் ஓடிவந்து 2 மர்ம நபர்கள் ஒருவரை பிடித்து வேப்பேரி காவல் நிலையத்தில் ஒப்படைத்துள்ளனர்.
அவரிடம் காவல்துறையினர் நடத்திய விசாரணையில் அந்த மர்ம நபர் புளியந்தோப்பு கே.எம் கார்டன் பகுதியில் வசித்து வரும் விஜய் என்பது காவல்துறையினருக்கு தெரியவந்துள்ளது. இச்சம்பவம் குறித்து வழக்குப்பதிவு செய்த காவல்துறையினர் விஜயிடம் இருந்த செல்போன் மற்றும் மோட்டார் சைக்கிளை பறிமுதல் செய்து தப்பி ஓடிய மற்றொருவரை வலைவீசி தேடி வருகின்றனர்.