திருவள்ளூர் அருகே பட்டாக்கத்தியால் கேக் வெட்டி பிறந்த நாள் விழாவை கொண்டாடிய 2 பேர் கைது செய்யப்பட்டனர்.
திருவள்ளூர் அருகே புன்னப்பாக்கத்தைச் சேர்ந்த அஜித்குமார் என்பவன், பொதுமக்கள் அடிக்கடி நடந்து செல்லும் முக்கிய சாலையில் தனது நண்பர்களுடன் பட்டாக்கத்தியால் கேக் வெட்டி பிறந்த நாளை கொண்டாடியுள்ளார். இந்த வீடியோ ஒன்று, இணையத்தில் வைரலாக பரவி வருகிறது. இது தொடர்பாக போலீசார் விசாரணை நடத்தி வந்த நிலையில், அஜித்குமார், மற்றும் கலைவாணன் ஆகிய இருவரை கைது செய்துள்ளனர்.
மேலும் இவர்கள் பொது இடத்தில் கேக் வெட்டுவதற்கு எதிர்ப்பு தெரிவித்த அப்பகுதியில் வசித்து வருபவர்களுக்கு கொலைமிரட்டல் விடுத்ததும் விசாரணையில் தெரியவந்துள்ளது. இந்த சம்பவம் தொடர்பாக தலைமறைவாகியிருக்கும் 3 பேரை போலீசார் தீவிரமாக தேடிவருகின்றனர்.