இரண்டு சக்கர வாகனத்தில் சென்ற இரண்டு பேர் மேம்பாலத்தில் இருந்து விழுந்து படுகாயம் அடைந்துள்ளனர்.
விருதுநகர் மாவட்டத்தில் ஆணைக்குழாய் பகுதியில் பிரபாகரன், சிவக்குமார் என்பவர் வசித்து வருகின்றனர். இவர்கள் இருவரும் இரு சக்கர வாகனத்தில் அருப்புக்கோட்டை மேம்பாலத்தில் சென்று கொண்டிருந்தனர். அந்த சமயத்தில் இவர்கள் சென்ற இருசக்கர வாகனம் தனது கட்டுப்பாட்டை இழந்து தாறுமாறாக ஓடி மேம்பாலத்தில் இருந்து கீழே விழுந்துள்ளது.
இதில் பிரபாகரனும் சிவகுமாரும் படுகாயம் அடைந்துள்ளனர். இதனையடுத்து படுகாயம் அடைந்த இரண்டு பேரையும் அருகில் உள்ளவர்கள் மீட்டு சிகிச்சைக்காக விருதுநகர் அரசு மருத்துவமனையில் அனுமதித்துள்ளனர். இந்த சம்பவம் குறித்து தகவல் அறிந்த போலீசார் வழக்கு பதிந்து விசாரணை மேற்கொண்டு வருகின்றனர்.