ஜூனியர் ஆசிய கோப்பை 50 ஓவர் கிரிக்கெட் போட்டியில் இன்று நடந்த இறுதிப் போட்டியில் இலங்கையை வீழ்த்தி இந்திய அணி சாம்பியன் பட்டம் வென்றது.
19 வயதுக்கு உட்பட்டோருக்கான ஆசிய கோப்பை 50 ஓவர் போட்டி ஐக்கிய அரபு அமீரகத்தில் நடைபெற்று வந்தது. இதில் இன்று நடந்த இறுதிப் போட்டியில் இந்தியா – இலங்கை அணிகள் மோதின .ஆனால் மழை காரணமாக ஓவர்கள் குறைக்கப்பட்டது. இதில் முதலில் களமிறங்கிய இலங்கை அணி 38 ஓவரில் 9 விக்கெட் இழப்புக்கு 106 ரன்கள் குவித்தது .இதன்பிறகு களமிறங்கிய இந்திய அணிக்கு 32 ஓவர்களில் 104 ரன்கள் இலக்காக நிர்ணயிக்கப்பட்டது.
இதில் இந்திய அணி 21.3 ஓவரிலேயே ஒரு விக்கெட் இழப்புக்கு 104 ரன்கள் குவித்து 9 விக்கெட் வித்தியாசத்தில் அபார வெற்றி பெற்றது .தொடக்க வீரரான அங்கிரிஷ் ரகுவான்ஷி 56 ரன்னுடன் இறுதி வரை ஆட்டமிழக்காமல் களத்தில் இருந்தார். இதன்பிறகு ஷெய்க் ரஷீத் 31 ரன்கள் குவித்தார். இதன் மூலம் வெற்றி பெற்ற இந்திய அணி கோப்பையை வென்றது.