ஜூனியர் ஆசிய கோப்பை கிரிக்கெட் போட்டியில் இன்று நடந்த அரையிறுதி ஆட்டத்தில் வங்காளதேசத்தை வீழ்த்தி வெற்றி பெற்ற இந்திய அணி இறுதிப்போட்டிக்கு முன்னேறியது.
19 வயதுக்கு உட்பட்டோருக்கான ஆசிய கோப்பை கிரிக்கெட் போட்டி ஐக்கிய அரபு அமீரகத்தில் நடைபெற்று வருகிறது. இதில் இன்று நடந்த அரையிறுதி ஆட்டத்தில் இந்தியா – வங்காளதேசம் அணிகள் மோதின .இதில் முதலில் களமிறங்கிய இந்திய அணி 50 ஓவர் முடிவில் 8 விக்கெட் இழப்புக்கு 243 ரன்கள் குவித்தது .இதில் அதிகபட்சமாக சாயிக் ரஷீத் 90 ரன்னுடன் இறுதி வரை ஆட்டமிழக்காமல் களத்தில் இருந்தார். இதன்பிறகு 244 ரன்கள் எடுத்தால் வெற்றி என்ற இலக்குடன் வங்காளதேச அணி களமிறங்கியது .
ஆனால் இந்திய அணியின் பந்து வீச்சை எதிர்கொள்ள முடியாமல் சீரான இடைவெளியில் விக்கெட்டுகளை இழந்தது. இதில் அதிகபட்சமாக மஹ்பிஜுல் இஸ்லாம் 26 ரன்னும் , ஆரிபுல் இஸ்லாம் 42 ரன்னும் எடுத்தனர் . இறுதியாக வங்காளதேச அணி 38.2 ஓவரில் 140 ரன்னில் சுருண்டது . இதன்மூலம் 103 ரன்கள் வித்தியாசத்தில் அபார வெற்றி பெற்ற இந்திய அணி இறுதிப்போட்டிக்கு முன்னேறியது .இதனிடையே நாளை துபாயில் நடைபெறும் இறுதிப்போட்டியில் இந்தியா – இலங்கை அணிகள் மோதுகின்றன.