உதயநிதி ஸ்டாலின் ஹிந்தி பட ரீமேக்கில் நடிக்க உள்ளார் என்று தெரியவந்துள்ளது.
‘கனா’ படத்தின் மூலம் பிரபல இயக்குனராக வலம் வருபவர் அருண்ராஜா காமராஜ். இவர் தற்போது உதயநிதி ஸ்டாலின் நடிப்பில் உருவாகிவரும் புதிய படத்தை இயக்கி வருகிறார். போனி கபூர் இப்படத்தை தயாரித்து வருகிறார். உதயநிதி ஸ்டாலின் போலீஸ் அதிகாரியாக மிரட்டும் இப்படத்தின் படப்பிடிப்பு விறுவிறுப்பாக நடைபெற்று வருகிறது.
இந்நிலையில் உதயநிதி ஸ்டாலின் நடிக்கும் இப்படம் ஹிந்தி பட ரீமேக் என்று கூறப்படுகிறது. அதன்படி ஆயுஷ்மான் குரானா நடிப்பில் ஹிந்தியில் கடந்த 2019-ஆம் ஆண்டு வெளியாகி மாபெரும் வசூல் சாதனை பெற்ற ‘ஆர்ட்டிகில் 15’ படத்தின் ரீமேக் தான் இப்படம் என்று தெரியவந்துள்ளது.