‘நெஞ்சுக்கு நீதி’ படத்தின் சென்சார் குறித்த தகவல் வெளியாகியுள்ளது.
தமிழ் சினிமாவில் பிரபல நடிகராக வலம் வருபவர் உதயநிதி ஸ்டாலின். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இதையடுத்து, இயக்குனர் அருண்ராஜா காமராஜ் இயக்கத்தில் இவர் நடித்துள்ள திரைப்படம் ”நெஞ்சுக்கு நீதி”. போனி கபூர் தயாரித்துள்ள இந்த படத்தில் கதாநாயகியாக தன்யா ரவிச்சந்திரன் நடித்துள்ளார்.
உதயநிதி இந்த படத்தில் நேர்மையான காவல்துறை அதிகாரியாக நடித்துள்ளார். மேலும், இந்த படத்தில் ஆரி, இளவரசு, மயில்சாமி, சுரேஷ் சக்ரவர்த்தி மற்றும் பலர் முக்கிய கதாபாத்திரத்தில் நடித்துள்ளனர். சமீபத்தில் இந்த படத்தின் டீசர் வெளியாகி ரசிகர்கள் மத்தியில் நல்ல வரவேற்பு பெற்றது.
இந்நிலையில், மே 20ஆம் தேதி ரிலீசாக உள்ள இந்த படத்தின் சென்சார் குறித்த தகவல் வெளியாகியுள்ளது. அதன்படி, இந்த படத்திற்கு யு\ஏ சான்றிதழ் வழங்கப்பட்டுள்ளதாக படக்குழு அறிவித்துள்ளது.