உலக ஆடவர் டென்னிஸ் சாம்பியன்ஷிப் போட்டியில் ரெட் பிரிவில் நடந்த ஆட்டத்தில் டேனில் மெட்விடேவ் வெற்றி பெற்றார் .
ஏ.டி.பி. இறுதிச்சுற்று என அழைக்கப்படும் உலக ஆடவர் டென்னிஸ் சாம்பியன்ஷிப் போட்டி இத்தாலியில் துரின் நகரில் நடைபெற்று வருகிறது. இதில் ‘டாப்-8’ இடங்களை பிடிக்கும் வீரர்கள் மட்டுமே கலந்து கொள்வர். இதில் கலந்துகொள்ளும் வீரர்கள் இரண்டு பிரிவுகளாக பிரிக்கப்பட்டு ஒவ்வொருவரும் தங்கள் பிரிவில் உள்ள மற்ற வீரர்களுடன் தலா ஒரு முறை மோத வேண்டும்.
இதையடுத்து ‘ரவுண்ட்-ராபின்’ முடிவில் இரு பிரிவிலும் முதல் 2 இடங்களை பிடிக்கும் வீரர்கள் அரை இறுதிக்கு முன்னேறுவர்.இதில் நேற்று நடந்த ‘ ரெட்’ பிரிவு ஆட்டத்தில் நடப்புச் சாம்பியனான ரஷ்யாவை சேர்ந்த டேனில் மெட்விடேவ், ஜெர்மனி வீரர் அலெக்சாண்டர் ஸ்வெரேவ்வை எதிர்த்து மோதினார் .இதில் 6-3, 6-7 (3-7), 7-6 (8-6) என்ற நேர் செட் கணக்கில் அலெக்சாண்டரை வீழ்த்தி டேனில் மெட்விடேவ் வெற்றி பெற்றார்.