உலக பேட்மிண்டன் சாம்பியன்ஷிப் போட்டியில் ஆடவர் ஒற்றையர் பிரிவு ஆட்டத்தில் இந்திய வீரர்கள் ஸ்ரீகாந்த், பிரனாய் ஆகியோர் வெற்றி பெற்றுள்ளனர் .
26-வது உலக பேட்மின்டண் சாம்பியன்ஷிப் தொடர் ஸ்பெயினில் வெல்வா நகரில் நடைபெற்று வருகிறது. இதில் ஆடவர் ஒற்றையர் பிரிவு முதல் சுற்று ஆட்டத்தில் இந்திய வீரர் ஸ்ரீகாந்த் ஸ்பெயின் நாட்டை சேர்ந்த பாப்லோ அபியனை எதிர்கொண்டார். இதில் 21-12, 21-16 என்ற நேர் செட் கணக்கில் வெற்றி பெற்ற ஸ்ரீகாந்த் 2-வது சுற்றுக்கு முன்னேறியுள்ளார் .இதையடுத்து 2-வது சுற்றில் ஸ்ரீகாந்த் சீனாவை சேர்ந்த லி ஷி பெங்கை எதிர்கொள்ள உள்ளார் .
இதைத்தொடர்ந்து நடந்த மற்றொரு ஆட்டத்தில் இந்தியாவின் சாய் பிரனீத் நெதர்லாந்தை சேர்ந்த மார்க் கால்ஜோவிடம் மோதினார். இதில் 21-17, 7-21, 18-21 என்ற நேர் செட் கணக்கில் சாய் பிரனீத் தோல்வியடைந்தார். இதைத்தொடர்ந்து நேற்று நடந்த மற்றொரு ஒற்றையர் ஆட்டத்தில் இந்திய வீரர் பிரனாய் ஹாங்காங்கை சேர்ந்த லாங் அங்குசை எதிர்த்து மோதினார் .இதில் 13-21, 21-18, 21-19 என்ற நேர் செட் கணக்கில் வெற்றி பெற்று 2-வது சுற்றுக்கு முன்னேறினார்.